الحلقه السابعه يوميات الفراشات والتماسيح

المكان : مقر اجتماع الفراشات

الابطال : الفراشات

الله أكبر الله أكبر..أذان الظهر..

رانيا : يارب يارب بحق الادان اخد فرصتى وامثل يااااارب

ندى : ياستى بس أنا مش عايزة امثل

رانيا : وانتى مالك انتى انا بدعى ليا ... فكك انتى من كل دا وادعيلى ربنا قادر على كل شىء

ندى : ياستى ونعم بالله بس اللى بيطلع ممثل لازم يبقى فى معهد تمثيل

رانيا : على اساس ان انا فعبده باشا ولا ايه انا قسم فن ونقد مسرحى

ندى : ماشي يا زباله والله انتى اخرك تجارة وانا أخلى جدى يخدك معاه الوكاله عشان تتدردحى وتتودكى فى السوق

رنيا : مين اللى هايخدنى معاه .....ده جدك مات من زمان

ندى : يامصيبتى عبد الواحد مات..ياحبيبى ياأخويا..مكنش يومك ياسبعى

رانيا : عبد الواحد مين ياست دا جدك (يخرب بيت حبوب منع الفهم ) بعدان دا ميت الله

يرحمه من تلتين سنه

ندى : تلتين سنه..ده العمر بيجرى ياولاد تصدقى ولاحسيت بيهم....ياللا الله يرحمه بقى ....انما الوليه جارتهم قطعت وقطعت سيرتها ده كانت بخل الدنيا فيها..أن ما عمرها دخلت عليه ببطيخة ولاكيس جوافة

رانيا : ياستى حرااام عليكى عايزه اذاكر بقى

ندى : يوه..وأنا ماسكاكى يا بت ذاكر ذاكرى عشان ربنا يكرمك وتنجحى وتاخدى الدبلون

رانيا : ياستى دبلون إيه..أسمه البكالوريوس بعدان ايه وله دى؟

-ندى: أنته عتضحك عليه ياوله..أسمه الدبلون الواد ابن فايزة جدع زيك كده فى مدرسة صفط اللبن وخد الدبلون

رانيا : خلاص دبلوم دبلوم ياستى ..سيبينى بقى عشان أذاكر وبطلى وله دى

ندى: ذاكرى ..ذاكرى يا اوختى ذاكرى ... تعرفى يابت ..ندرن عليا يوم ماتنجحى لأكون رايحه خاطبالك الواد بن رئيسه....دا واد ايه يا بت.. أدب- وأخلاق..وعلام كمان

رانيا : ابن رئيسه دا معاه اعدادى

ندى : وماله يابنتى ...الراجل مايعبهوش إلا جيبه

رانيا: هو الراجل دا حلته جيب اصلا

ندى: راجل ...راجل مين يابت..أنتى بتعرفى رجاله من ورانا

رانيا : لا إله إلا الله....أبوس رجلك ياستى أرحمينى بقه

ندى: طيب ذاكرى....ذاكرى جتك نيله وانتى شبه الواد الى معانا فى الجامعه على طول لاوى بوزه وعايز اذاكر اذاكر على ايه يا حسرة

رانيا : حراااااااااااااااااااااااااااااااااام ............يا ست ماتطلعى البلكونة
شويه ...ده الهوا حلو بره

ندى: لأياختى....فى جدع كده حليوه وشعره مسبسب فى البلكونه اللى فى الوش بيقعد يعاكسنى

رانيا : خلاص روحى المطبخ ...أهو زمان الرز اتعمل

ندى : ما انتى عارفه انى مبحبش الرز انا هطلع الببلكونه احسن

رانيا : طب أبقى خلى بالك م الهوى

ندى: هوى لما يلطشك امشى يا بت من قدامى بت رغايه بصحيح

ريهام : مسا مسا

رانيا : - اخلص منها تطلعلى اختها - حبيبه قلبي ازيك

ريهام : تمام ويوو ؟

رانيا : بخير الحمد لله

ريهام : الى بالى بالك هنا؟

رانيا : اه برا فى البلكونه

ريهام : كويس عشان دا وقت التهييس بتاعها وانا عندى خطه للانتقام ومش ناقصه ظرف على المسا

رانيا : ( رمت الكتاب ) قولى بسرعه

ندى: -بخخخخخخخ- سمعت صوت الباب قلت اجى اشوف مين

ريهام : المهم ...................................

رانيا : علم وجارى التنفيذ واخطار باقى الفراشات

*****************************************************************************************
حسين : بيدق قلبي كل ما اجى اكلمك تك دوم تك دوم تك دوم

عبد العزيز : ايه الهبد دا

حسين : لا دا الى فوقينا بيصلحوا ال... مش مهم

منعم : ايه عندك خطه؟

حسين : ياعم ريح انت بس

مايك : يا فنان على فكره كلام منعم صح

ابو العلا : لازم نستعد

عبد العزيز : انا رأيي نستنى ضربتهم الاول

حسين : والنبي تسكت انت

نور: احنا لازم نعرف هم ناوينلنا على ايه

حسين : يا اهلا ... ازاى يا فالح

نور: مش عارف

منعم : خليكم كده قاعدين مش تعملو اى حاجه

حسين : بقولكم ايه انا لازم امشي ناو عندى مشوار مهم اوى نتقابل مره تانيه

وانفض المجلس

اشمعنى انا يعنى

ABDOU

زائر

الله عليكى بس لازم نستعد برده

ابوالعلا
2010

منورين يا بشوشات

» الحلقه الخامسه يوميات الفراشات والتماسيح
» الحلقه الرابعه يا رجاله يوميات الفراشات والتماسيح
» يالا نضحك شويه مع يوميات محشش!!!!
» الحلقه السادسه بعد طول غياب
» المسلسل الدرامى يوميات ونيس تم اضافه الحلقه الثامنه