نكت جامدة اخر حاجة :D

* عجوزة خيروها بين الحج والجواز
وطت راسها مكسوفة
وقالت: هى مكة هاتطير......

* غبى واقف فى ميدان التحرير بيقلع هدومه
سألوه: ليه بتعمل كده؟
فقال: أصل الكمسرى قال لى علشان أروح شبرا لازم أغير فى التحرير

* راقصة بتسأل شيخ: هو أنا ممكن أبوسك؟
رد عليها وقال: هو فعل الخير يحتاج مشورة

* مرة واحد صعيدى راح عند الصيدلي قال له: عندك لبن أطفال
الصيدلي سأله : اسمه إيه ؟
الصعيدى قال له : عبد الرزاق

* صعيدي راح للدكتور ، الدكتور قال له امشي كل يوم 5 كيلو.
اتصل الصعيدى بعد أربعين يوم بالدكتور وقال له انا دلوقتى داخل على اسكندرية .

* واحد اتصل بمراتة قالها حضري المية السخنة راح صاحبة قالة انت حمش قوي قالو امال هاغسل المواعين بمية باردة؟؟؟

* قـصيدة شـعر صـعيدى :- وبحبك كيف ماخابرش .. وعلى فراجك ماجادرش .. من كتر الشوج خسيت وآني كنت تخين وبكرش .. والحب يابوي بهدلني .. مرمطني جوي وخرشمني .. وغرامك بيغرمني وماعادش معاي ولا جرش .. شومة حبك بطحتني .. وجاموسة الشوج نطحتني .. والهوى جحشته رفستني .. وآني يابوي ماصابرش...

* بلدياتنا قاعد يفكر مع نفسه ويقول : جمبرى فى الطبق ؟ لا لا .. أرنب فى الجردل ؟ برضو لاء مش دى .. استكوزا فى البانيو ؟ يوووووه برضو مش دى .. انا هتصل اعرف من الدكتور وخلاص ... واتصل بالدكتور وسأله : يا دكتور هو انا عندى ايه ؟ الدكتور قاله ياعم قولتلك مليون مرة عندك سرطان فى الحوض

* قالت البنت بابا في شاب ابن ناس ومافيهوش ولا عيب عايز يجي يخطبني
طبعآ وافق الاب
جه الشاب وقعد مع الاب وكان في فمه لبانه قاله الاب انت عجبتني قوىوما فيكش ولا عيب
بس هل دى مناسبه تمضغ فيها لبانه؟
قاله بس ياعمي ضرورية بعد السيجارة قاله هو أنت بتدخن؟ قاله على خفيف مع كاس الويسكي
قاله وبتشرب كمان قاله احيانآ لما بلعب قمار قاله فين بقى بتلعب القمار؟
قاله فى الكباريه
قاله ومن امتآ بتروح على الكباريهات؟ قاله من وقت ما طلعت من االسجن قاله وليه دخلت السجن؟
قاله ضربت واحد بالسكينة ومات
قلو وليه موِتته؟ قاله لاني طلبت ايد بنته وما وافقش
قاله الاب على بركة ألله يللا نقرا الفاتحة

* اتنين مساطيل واحد سال التاني هو النهارده السبت و لا الحد قاله الاتنين قال ماشاء الله هما بقو سوا

* اتنين مساطيل واقفين مستنيين الاوتوبيس فالاول بيسأل : هنعرف الاتوبيس ازاى التاني قاله بسيطه اللى هيجى يقف هنا يبقى اتوبيس قاله طب والكومسارى قاله: بسيطه اللي حيحط ايده على كتفك يبقى الكومسارى ندفعله الاجره فجه الاتوبيس ركبوا جه واحد حط ايده عليهم فطلعوله الاجره وبيدوهاله فقالهم : انا مش الكومسارى انا ضابط بحريه قاله شوفت شورتك المنيله ادينا ركبنا باخره.

* رجل مسيحي دخل مسجد في مصر و معاه سكين و قال: مين فيكم مسلم ؟
محّدش رد عليه إلا واحد شجاع قاله: أنا مسلم
اخذه برا المسجد و قاله: عندي خروف عاوزك تدبحه و تسلخه على ا لطريقه الإسلاميه
قال المسلم: أنا اعرف أدبح بس شوف حد تاني يسلخ
دخل المسيحي المسجد و السكين كلها دم من الخروف و قال: مين مسلم كمان؟
اشروا المصلين على الإمام
رد الإمام عليهم: ' في إيه ؟ هو عشان صليت بيكم ركعتين بقيت مسلم خلاص

* عريس مسطول على الآخر في يوم فرحه..بعد المعازيم مامشيوا دخل البيت لقى العروسة قاعدة، قال والله انا كنت عارف في الهيصة دي هاينسوا حد!

* اتنين مساطيل بيتفرجو على ماتش فالمزيع بيقول 'دربكه فى الدفاع، دربكه فى خط الوسط، دربكه فى الهجوم، أوبااااا جوة الجون' فالمحشش قال لزميله 'إلظاهر ان دربكه ده لعيب ميه ميه.

* نمله ماتت على الشط فبيسألو مسطول تعتقد ليه ماتت؟ قال ضحايا تايتنك .

* مسطول قالو له ايه رأيك في الزواج المبكر قال يعني الساعه كام.

* صعيدي فتح محل جواهرجى عمل أول يوم ببلاش .

* صعيدي راح أمريكا لقى الناس لابسين تي شيرتات مكتوب عليها بيبسى و كوكاكولا لما رجع البلد كتب على التي شيرت بتاعه عصير جصب.

* صعيدي عايز يروح حفله تنكريه بعت أخوه .

* استضافوا
واحد صعيدي في برنامج الكاميرا في الملعب سألوه بتشجع مين قالهم المقاولين
العرب قالوله بتحب مين في المقاولين العرب قالهم الجماعة بتوع المحارة .

* لية كوبرى القبة اتسمى كدة ؟؟؟ عشان المهندس اللى كان بيبنية كان واقف علية فاوقعت السجارة منه فقال أوبااااااا

* واد مسطول فى امتحان لغة عربية جاله سؤال فى النحو بيقول : ادخل (إن) فى جملة من عندك .. فكتب : ذهبت إلى المحل و اشتريت إن سبعين.

* بلديتنا اتجوز ، مراته خلفت بعد شهر واحد من الجواز .. واحد قاله ازاى كده ؟؟!!! قاله اعوذ بالله يا أخى حتى الحسد فى دى كمان.

* مرة واحد مصرى واتنين اصحابه سعودى وكويتى ماشين فى الغابة فالسعودى قال انا هصتاد ارنبين والكويتى قال وانا هصتاد حمامتين والمصرى قال انا بقى هصتاد نمرين .. فالسعودى اصتاد الارنبين والكويتى اصتاد الحمامتين والمصرى جه يصتاد النمرين معرفش .. فقال ليه كدة بس يارب وسند على شجرة كده فلقى نمر وراه فالمصرى اعد يجرى والنمر يجرى و...راه هو يجرى و النمر يجرى واره لغاية ماعدا على اصحابه فقالهم امسكو ده بسرعه عقبال ماجيب الثانى.

*عريس عصبي يوم فرحه كتب في بطاقةالدعوة: الزفت اللي هايجي ميتأخرش...واللي مش جاي في ستين داهية ... والعيال الرذلين الصغيرين يتخمدوا فى البيت..... و اللي هاتجيب موبايل كاميرا هفقع لها عينيها الاتنين....وابقوا اطفحوا فيبيوتكم .. كفايه اللي دفعته للزفتة العروسه.... اللي هتمد ايدها عالتورته هقطعهالها ..وابقى حلي في البيت ياختي انتى وهى .. منتو زي القطط تاكلوا وتنكروا .... الرقص ممنوع .. الضحك بصوت ومن غير صوت ممنوع...... وابقى عيل لو اتجوزت تانى.

* يحكى أن صياداً عاد إلى زوجته وهو يحمل سمكة كبيرة طالباً منها أن تقليها في الزيت فاعتذرت له الزوجة لأنها لا تملك زيتاً بسبب إرتفاع سعر الزيت فطلب منها الصياد أن تشويها فاعتذرت له بسبب إختفاء الردة وارتفاع سعر أنبوبة الغاز فى الأسواق فطلب منها أن تطبخها مع الصلصة فلما علم أن سعر كيلو الطماطم قد وصل إلى خمس جنيهات أخذ السمكة وألقاها غاضباً في البحر مرة أخرى وهنا هتفت السمكة وهي في الماء تحيا حكومة جمهورية مصر العربية.

* كان الرجل قد أوشك أن يلقي بنفسه في البحر لولا انه سمع
صوتا يصيح به قائلا أيــها المجنون ....قـــف
وأيقن انه لن يتمكن من الانتحار
بهدوء وتوقف الرجل مرتبك
وشاهد رجلا عجوزا يتقدم منه
وينهال عليه بعبارات التأنـيب ليأسه
من رحمة الله ومحاولته
الانتحار
ثم سأله :
مالذي يدفعك الى الانتحار يا رجل ؟
فقال :
مشكلة عائليه معقدة
فرد عليه العجوز
وهل توجد مشكلة دون حل ما هذه المشكلة ؟
وبدأ الرجل يروي قصته
قائلا :
تزوجت سيده ارمله ولها فتاه مراهقة وعندما بلغت الفتاه
سن الرشد رآها ابي
فاحبها وتزوجها فصرت صهرا لابي كما ان ابي اصبح في مقام
زوج ابنتي
واصبحت انا (حما) لابي لان زوجتي حماته
ثم انجبت زوجتي ولدا لي
فاصبح الولد سلف ) ابي)
وبما ان ابني هو اخو زوجه ابي التي هي بمثابة
خالتي صار ابني يعد خالي
ايضا
وحدث ان وضعت زوجه ابي طفلا يعد اخي من ابي وفي
الوقت نفسه هو حفيدي
لانه حفيد زوجتي من ابنتها وبما ان زوجتي صارت جده
اخي فهي بالتالي
جدتي وانا حفيدها
وهكذا اصبحت انا زوج جدتي وحفيدها في الوقت ذاته
ونظرا الى انها جدة اخي فانا اصبحت ايضا جدا لاخي
وبناء عليه اكتشفت انني اصبحت جد نفسي او حفيد نفسي
لانني ......
وهنا قاطعه الرجل العجوز
قائلا : كفى... كفى...
وقام العجوز بدفعه للبحر قائلاً:
أبوك لأبو جدك لأبو إللي جابك

* البوليس عمل كبسة على شوية شمامين و لفت نظره ان فيهم عيل صغير قوي واخد ركن
لواحده وعمال يسحب , فقام مقرب منه و سأله: و الشمام الصغير اسمه ايه؟
قام الواد رد عليه و قاله : كنتلوب يا باشا.

* واحد بلديتنا رجله كانت بتوجعه فذهب للدكاترة فقالوا له : لازم نقطع رجلك فاخذ الساطور وقطع رجله بنفسه دون تخدير الدكاترة قعدو يصقفولو عشان شجاعتو اتبسط منهم خد الساطور قطع رجلو التانية

* بلدياتنا فتح محل انابيب غاز .. فجّر اسطوانتين فى وسط البلد .. دعاية .

* واحد مسطول بيقول لصاحبه مش عارف يأ أخي عود الكبريت ده ما بيولعش ليه مع إنه لسه مولع من شوية.

*بيقولك مرة واحد قرر يرشح نفسه رئيس الجمهورية، مسكوه بتوع أمن الدولة و قالولوا أنت عبيط ولا ايه،
قالهم هو شرط؟

* مرة واحد بلدياتنا وقع فى حفرة نزلولوا حبل طلع مخنوق .

* مره واحد احول سجل في الجيش...... حطوه في قسم القصف العشوائي.

* واحد سكران فتح التلاجه وبص للجلي ...لقاه بيرتعش :قالوه متخفش انا هاخد عصير

* فأر سكران نام جنب قطة ميتة صحى الصبح وقال انا عارف نفسى لما بسكر بفترى ..

* الابن : بابا هي جبال الالب فين؟؟
الآب: اسأل امك هي اللي مابتحطش الحاجه مكانها

* اتنين صعايدة نزلوا يتمشوا ........... رجعوهم من على حدود ليبيا

* مدير مدرسة عمل فرح وزع على المعازيم أرقام جلوس.

* واحد شحات راح لواحد عجلاتي قال له أعطيني مما أعطاك الله، قال له
العجلاتي خد لك لفة.

* كمسري أبوة مات ماشى في الجنازة يقول يا حضرات الجنازة فاضية آدام

*مره واحد تاجر كتاكيت ماشي بالعربيه وفيها كتاكيت وقفته لجنه تموين وقال له المفتش: الكتاكيت دي بتأكلهم ايه؟ رد عليه وقال له
: درة يا بيه..... فقال له المفتش انتو ما بتفهموش حاجة الكتاكيت دي بتاكل علف........ وراح عمله غرامة 1000 جنيه....
راح مشي التاجر بالعربيه وهو في الطريق وقفته لجنه تموين تاني وقال له المفتش انت بتأكل الكتاكيت دي ايه قال له بأكلهم علف يا بيه فقال له المفتش انت ايه يا أخي انت ما بتفهمش دي بتاكل درة وعمل له
غرامه 1000 جنيه وبعد شويه وهو ماشي وقفته لجنه تموين تاني وقال له
المفتش انت بتأكل الكتاكيت دي ايه قال له يا بيه انا كل يوم الصبح ادي كل
كتكوت جنيه وهو ياكل اللي هو عايزه

* فرختين مشيين الاولى معلقة بيضة على رقبتها .. فالتانية بتسالها اية البيضة
دى؟ قالت دى صورتى و انا صغيرة

* مرة واحد سعودي لقى مصباح علاء الدين دعكه طلعله الجني قاله شبيك لبيك تطلب ايه: قاله: طلعلي كل المصريين من السعوديه فالجني قاله: ليه بس يا عم احنا عملنالك حاجه

* واحد صعيدى عينوه مدير ملجأ أيتام اول قرار اخده اجتماع لأولياء الامور

* واحد بيقول لمراته انا بحب فيتراك جدا قالتله و انا بحب محمود جدا جدا قلها بس فيتراك ديه مربه قالتله و محمود ده عسل

* ٍكان في واحد شكله وحش قوي قوي قوي عايز يتجوزفراح واتقدم لواحده* فابيقول لأبوها :انا يا عمي بلا فخر عملت نفسي بنفسي
قاله: ما انا برضه بقول استحاله تكون خلقه ربنا

* واحد جزمجى زعل...جت له جزمة نفسيه

* واحد جزمجى أبوه مات.......جه يعمل له أربعين طلع ضيق عليه ...عمل له 42

* مرة واحد سافر الكويت لقى الاسامى بوحمد و بو فهد و بو محمد و بو فيراس راح سمى نفسه بوكيمون

* واحد صعيدى دخل فى رجلة مسمار معرفش يطلعة تناه.

* مره واحده بتقول لجوزها "تصدق إن أنا كل يوم بحلم بيوم جوازنا" قالها "هى لسه الكوابيس دى بتجيلك؟"

* وحده اشترت تلفون من ورا زوجها , حبت تعمله مفاجاة دخلت الحمام واتصلت بيه وقالتله الو حياتي .. قالها اتصلي بعدين البقرة في الحمام

* قال لها : يمكن مكنش غني .. ولا عندي عربية ولا فيلا ولا مزرعة ولا شركه ولا فلوس زي محسن صاحبي ولكني أعشقك واحبك .. فضمته ودمعت عيناها وقالت : إن كنت بتحبني بجد .....عرفني على محســـــــــــــــن .

* صعيدي مع خطيبته في الكازينو..أنقطعت الكهرباء..قالتله: يللا بقى إنتهز الفرصه....قام هرب من غير مايدفع الحساب

* مرة واحد بلدياتنا ضاعت محفظته راح القسم عمل محضر الظابط بيقولوا ماتقلقش يابلدينا هنجبهالك من تحت الأرض وبعد ما خرج من القسم شاف الناس بيحفروا للخط بتاع المترو راح قايلهم الهمة يارجالة

* واحد مسطول اشتغل سواق تاكسي، شاورتله واحده، وقف وسألها "رايحه فين؟" قالتله "المهندسين" قالها "روحي بس ما تتأخريش"

* اتنين مساطيل بيتفرجو علي نشرة الاخبار فالاول بيقول للتاني هيه النشره طولت اوي كده ليه، التاني قاللو اظاهر انها الحلقه الاخيره

* محشش بيتصل بالمطافى: إيه يا جماعة؟ إذا ماكانش فيه حريقة ماحدش يشوفكوا !!

* مسطول بيقول سبحان الله الانسان زي البنى ادم لما بيتوفى بيموت

* واحد سكران اتصل على مصر للطيران بيسأل الرحله
من القاهره للندن هاتخد اد ايه فرد عليه الاستعلامات وقاله: ثانيه واحده
قال لها طب شكرا وقفل السكة

* مرة واحد كسلان وابنه قاعدين بياكلو فا مراته جت فخبطت فقال لابنه قوم افتح لامك
قاله: لا ماهى مراتك انته.. قاله دى امك أنت ..قاله دى مراتك أنت . قاله دى امك انت ,قاله لا ...قاله طيب وراح منادى على مراته و قالها انتى طالق وراح باصص لابنه وقاله قوم يا فالح افتح لامك بقى

* واحد معدى لقى ناس بتهيص قوى قال لهم فيه ايه قالوله فى واحد بلدياتنا عايز ينط من سطح العمارة قالهم خلاص انا طالعله... طلعله وقاله عايز تنتحر ليه... بلدياتنا قاله اصل انا غبى وكل الناس بتقول عليا غبى .راح الراجل قايله هاقولك فزوره لو حلتها ماتبقاش غبى حاجة اسمها زى شكلها بلدياتنا : ماخبرش. الراجل:البيضة. اقولك واحدة تانية حاجتين اسمهم زى شكلهم بلدياتنا :ماخبرش الراجل: بيضتين.. اقولك واحدة تانية بسيطه و سهله حاجة كبيرةوسودة وبتجيب لبن واسمها جموسة بلدياتنا 3 بيضات راح الراجل ماسكه وراميه

* مرة كان فيه واحدة عندها دولاب كل ما القطر اللي جنبيها يعدي الدولاب يزيق و يطلع أصوات, فندهت للنجار يشوفه
النجار قاللها يا مدام الدولاب زي الفل
قالتله لأ خش في الدولاب و استنى لما القطر يعدي و حتسمع بنفسك
الراجل دخل و قفل الباب و استنى , ساعتها جوز الست جه و دخل الأوضة و فتح الدولاب لقة النجار في وشه
النجار قاله و الله يا بيه لو حلفتلك اني واقف مستني القطر ما حتصدقني

* اتنين بلدياتنا زهقوا من التريقة عليهم فهاجروا الهند.أول مانزلوا من الطائرة لقوا الهنود بينحنوا عشان يحيوهم فواحد منهم سأل الثاني هما بيحترمونا كدة لية؟ قال له أصلهم هنا بيعبدوا البقر.

* واحد كسلان دخل للحلاق فقاله الحلاق شعر ولا دقن قاله شعر قاله ارفع راسك قاله يووه خلاص خليها دقن

* مره اتنين داخلين محل جزم هو ومراته فقال لصاحب المحل هتلها جزمه زحافي قالتله لا بكعب قالها لا زحافي قالتله لا بكعب فصاحب المحل زهق منهم قال للراجل ياعم هاتلها بكعب هو انت اللي بتلبس قالوا ياعم انت مالك هوانت اللي بتنضرب

* قال الشاعر :ليس كل ما يذاكره الطالب يفهمه ...... وانما تأتي الامتحانات بما لا تحتوي الكتب

* واحد متجوز وقاعد في البيت وبيبص كتير في عقد الجواز...مراته قالت
له: بتبص في عقد الجواز ليه يا حبيبي؟" قالها: "مش عارف يا حياتي
المأذون كتب تاريخ انتهاء العقد ده فين ؟؟!!

* واحد نشر في إعلانات مبوبة :مطلوب زوجة!!! تاني يوم جاله 100 جواب
فيهم نفس الرد: تاخد بتاعتي؟؟

* واحد بيقول لمراته ... انا النهاردة عايز رومانسية فى البيت ...
راحت الزوجة سألت امها : يعنى ايه رومانسية يا ماما؟؟
الام : مش عارفة بس احتياطى إنقعى الرز

* مرة واحد قال لصاحبه "عاوز أعمل مفاجأة لمراتي فى
عيد جوازنا"
صاحبه : "هتعمل لها إيه؟"
"هوديها
الصين"
"يا راجل فى
عيد جوازكوا العاشر توديها الصين، أومال فى عيد جوازكوا الخمسين هتعمل ايه؟!!!!!!"
"هروح اخدها ! "

* صرصار بيتفرج على التليفزيون لقى اعلان "ريد" قال أفلام رعب من أولها

* ايه أسرع ثلاث وسائل للاتصالات؟
Telephone
Television
Tell -a- Woman

* واحد بيسأل خطيبته : حد قبلى لمسك ؟ سكتت
قالها : ايه زعلتى
؟؟
قالت له : بأعدهم

* مره واحد صعيدى قابل واحده اجنبيه
سالها : انتى منين
قالتله: ?what
قالها: اجدع ناس الوتاوته

* واحد باشا دار عليه الزمن وافتقر حب يشتغل
إشتغل بياع فجل
وجرجير
طول النهار واقف فى السوق ولابس طربوش
وبينادي :
فجل يا حوش .. جرجير يا كلاب

* مسطول قطع رأس أخوه وهو نايم وقعد يضحك ويقول:هيتجنن لما يصحي
وميلقهاش!!

* واحدة بتقول لجوزها اطرد السواق كان حيموتني مرتين في حادثة قال لها
خلينا نديه فرصة ثالثة...

* صعيدي اشترى بي إم دبليو بمواصفات خاصة، فيها الكمبيوتر يصلح كل شيء من غير ما يروح التوكيل!
حب الصعيدي يجربها فكسر الباب اللي ع اليمين، فرد الكمبيوتر: يا أيها الباب ارجع كما كنت، فرجع الباب،
وكسر الباب اللي ع الشمال، فرد الكمبيوتر يا أيها الباب ارجع كما كنت!!!
عجبته الحكاية قام جربها وطار من فوق الكوبري!!
فرد الكمبيوتر: يا أيتها النفس المطمئنة ارجعي إلى ربك راضية مرضية

* واحد عاوز يشرب لبن سخن ولع في الجاموسة

* مرة شيخ راح لجماعة منايفة قالهم أنا حخطب الجمعة بس تغدوني , قالوله ماشي يا مولانا.
المهم أول اسبوع أول ما الصلاة تخلص الشيخ يبص ما يلاقيش ولا واحد في الجامع
الأسبوع اللي بعديه نفس الحكاية و استمر الموضوع كده لحد ما الشيخ قال أنا لازم أربيهم
الجمعة اللي بعديها في وسط الصلاة و هما راكعين راح الشيخ سايب الصلاة و مشي و سابهم راكعين و طلع أعد قدام الجامع ساعة لحد ما واحدة من الستات قلقت على جوزها و راحت تشوف لقت الشيخ فسألته فحكالها انهم كل اسبوع بعد الصلاة يهربوا منه عشان ما يأكلهوش
قالتله يا مولانا أنا حأكلك و أخليك تحلف بأكل أم محمد
الشيخ خلص أكل و راح راجع على الجامع مسك المكروفون و خبط خبطتين " أبو محمد سمع الله لمن حمد

* مرة واحد مسيحي راح للريس, قاله يا ريس هو ممكن واحد مسيحي يبقى رئيس جمهورية , قاله و لا مسلم بروح امك

* مدرس في حصة املاء, بيقول للطلبة
"ذهب محمد الى الحديقة يوم الأربعاء"
فواحد من الطلية وقف و قال : يا أستاذ هو الأربعاء همزة على السطر و الا على ألف
المدرس فكر شوية و قاله مشيها الخميس

* مرة واحد كان متعود يسب الدين كتير و فكر يتوب فراح لشيخ قاله يا شيخ أنا بسب الدين كتير و عاوز أتوب قاله خلاص انت تقعد جنبي في الدرس و كل ما تسمع اسم الرسول تقول "عليه الصلاة و السلام" و لما تسمع اسم حد من الصحابة تقول "رضي الله عنه" .
و فعلاً قد في الدرس و كل ما يسمع قال الرسول يروح قايل "عليه الصلاة و السلام" و يسمع عن أبو بكر يروح قايل "رضي الله عنه" لحد ما جت حكاية فيها أبو جهل فراح قايل "رضي الله عنه" فالشيخ قاله ايه ياعم ده كافر , قاله "يلعن دين أمه"

* مرة جماعة راكبين عربية أجرة و مسافرين و السواق عمال يجري بسرعة قوي
واحد قاله ياعم هدي شوية
السواق قاله: بتفهم في البيجو
قاله: لأ
قاله: طب اخرس
سرعة العربية عمالة تزيد فواحد تاني
ياعم هدي شوية حتموتنا معاك الله يحرقك
السواق زعق: بتفهم في البيجو
قاله: لأ
قاله: طب اخرس
السواق عمال يجري فواحد تاني
ياعم انت حتموتنا
قاله بتفهم في البيجو
قاله أيوة بفهم في البيجو
قاله طب تعالى وقفها عشان أنا مش عارف

* اتنين مساطيل راكبين عربية خبطوا واحد..فالمسطول اللي سايق بيقول للى جنبة:انزل شوفو..مات ولا لسة..؟؟ نزل المسطول التانى وقال:تعال يمين شوية..ايووه..شمال شوية..بس..اطلع قدام...اوكى..كده مات

* واحد كسلان أتحكم عليه بالإعدام بدفنه في حفرهفقالوا له نفسك في أيه قبل الموتق ال نفسي أشرب قالوا له قوم أشرب قال لسه حقوم اردم يا جدع

* واحد صعيدي حب يعمل روش كتب على الشومة أديداس

* واحد صعيدي مراته بتقوله قوللي حاجة حلوة
قاللها بسبوسة
قالتله لأ قوللي حاجة تهزني
قاللها مرجيحة
قالتله يا راجل قولي كلمة تحسسني ان انا مراتك
قالها انت طالق

* واحد راح جنينة الحيوانات حط دماغه جوة قفص الأسد..
الحارس قاله ايه ده يا مجنون
قاله خلاص ياعم احنا حناكله

* واحد أعمى فتح من الفرحة اتشل

* واحد عصبى إتجوز واحده عصبيه الدكتور بيولد مراته..نزل الواديقول للدكتور إبعد إنت أنا هانزل لوحدى

* طبيب بيطري بيتقدم لعروسه سألوه : إنت دكتور معروف ؟
رد : مفيش حمار في البلد مايعرفنيش !

بجد دمك شربات يا رحمة ..... بذات نكتة الصعيدى والمسمار اللى تناه

بجد عندك حق يا رحمة محدش بيعرف بقيمـة الشئ او الشخص الا بعد الفراق


ابوالعلا
2010

سووووووووووووووووووورى

غلطة مطبعية بجد النكت جميــــــــــــــــــــــــــلة

ابوالعلا
2010

انا مش بقول انه مش ببص ف المواضيع ... اراهن انه مش بيشوف غير عنوان الموضوع ...... اقولك طب والله مش ماسح الغلطه دى علشان كل اللى يخش يضحك عليك

هههههههههههههههههههههه طب مصيبة فعلا يا محمد لو افتكر ان المنتدى الحمام هههههههههههههههههههههه
يا ابو العلا ديه مش غلطة مطبعية اسمها غلطة مصبعية
ربنا يخليك يا زيزو يا رب لو انا دمى شربات امال انت دمك يبقا ايه؟؟
سكر والا عسل والا ايه؟؟

tsda2 mmken ya 7ess


abo el3ela
2010

omal ya 7ess kol shey2 wared


abo el3ela

2010

3eeeeeeeeeeeeeeeeeeb ya 7es ana tlmezak brdoh


abo el 3ela