##المعاكسة واجب قومى ##

سالخير عليكم يا جامدين
كيفيكم اخبراتكم ايه :d

يلا نخش ف الموضوع بقي على طوول ونشوف بطل موضوعى انهاردة
ميدو شياكة ماشي فى الجامعة بكل تناكة مش سايب تانا ولا نانا ولا حتى بهانة :d

ولما اتسئل فى موضوع المعاكسة ال دلوقتى بقي يوصل لتحرش الجسد كمان
كان رده

المعاكسة واجب قومى وحق تجاه اى مزة نازلة الشارع وتاعبة نفسها ومتشيكه وحاطه ميكب ونازلة تقول للارض اتهدى ما عليكى ادى ... عايزين ايه من الشباب يعنى ... مش لازم يشجعوا المنتج المحلى ... وكمان لما البنت دى تتعاكس والشباب يقرفها فى الشارع اكيد هتتربى وهتتعلم الادب وتنزل الشارع بعد كده محترمة ... ما هو لو محترمة والله ماكنش حد قرب ناحيتها .
بس فى مشكلة ...
البنت اللى لبسها كويس ولابسة خمار بتتعاكس ليه .؟؟؟
ايه اللى بتتعاكس ليه ... اكيد ماشية تتمايع وتضحك في الشارع وحاطة ميكب اد كده ....لازم نربيها بردو و تنزل الشارع محترمه ... ساكتة ولا تنطق من اساسه ... مش بقولكم واجب قومي ... بنربي بنات مصر ...
طب واللي ماشية لابسه محترم ولا حاطة ميكب ولا غيره وماشية في حالها لا بتضحك ولا بتتمايع ماشية في حالها ... ...لأه بقى ما هي نازلة الشارع وحدها وقاصدة تتعاكس ايه اللي منزلها الشارع وحدها وهي عارفة الشوارع بقت عاملة ازاي ... ماهي لو محترمة بجد كانت نزلت مع باباها ولا اخوها ولا خطيبها حتى ... دي عايزة تعمل محترمة وتضحك عالشباب وتجيب عريس ... وبردو لازم نبينها على حقيقتها وتتعاكس علشان محدش يفتكرها محترمة ...
طب واللي نازلة مع اخوها ولا خطيبها ولا حتى جوزها (مش نازلة وحدها اهو) ويطلع لها واحد من ورا خطيبها ولا اخوها بيبصبص ليها كده من ورا ضهر الراجل الغلبان وعمال يشاور ويعمل حركات ويقرفها ... ... يا سلاااااااااااام ومين قاللك ان ده خطيبها ولا اخوها .. تلاقيها الواد اللي ماشية معاه ماهو لو كان خطيبها كان قعد يشوفها في بيتهم .. وانا بعاكسها علشان اعرفهم قيمتهم هما الاتنين علشان يتربوا ويبطلوا صرمحة في الشوارع ... مش بقولك واجب قومي علشان البلد والله....
طب واللي واقفه في البلكونه الغلبانه بتنشر ولا بتجيب حاجة بالسبت بيطلع لها ميت واحد من الشارع راصدينها واللي يعاكس واللي يشاور.. الله ما هي قاصداها اهي وطالعة البلكونة علشان الناس تشوفها وتتعاكس .. هي اللي عاوزة تتعاكس من الاساس .. وانا لما بعاكسها بوريها قيمتها اصلا ... هي ايه اللي طلعها البلكونة من الاساس .. تنشر .. هههه دي تلاكيك يا عمنا ... دي عاوزة تتعاكس ... ماهو لو محترمة والله ما كنت هاقرب ناحيتها ...
طب واللي قاعدة في بيتها يا ناس .. ويطلعلها من الشباك اللي عمال يبص ويبحلق فيها ويعاكسها ... شوفت اديك قلت بنفسك ياعم ... هيا اللي فاتحة الشباك علشان الراجل ده يشوفها ويعاكسها ... وتلاقيها كانت بتتمخطر قدامه رايحة جاية ومتشيكه علشان يشوفها ويعاكسها .. هي لو محترمة تفضل في بيتها وتقفل الشبابيك والبلكونات والبيبان كلها وتقعد تحت السرير كمان علشان تبقى بنت محترمة بصحيح ومحدش يشوفها خااااااالص وتدفن نفسها بالمرة

هههههه توبيك جامد قوى بس انا عندى ليك سوسو صغير انت اكيد فى عائلتك بنات وبم انك قولت ان المعاكسة واجب قومى فنصيحة لوجه الله قوم بواجبك القومى اتجه عيلتك قبل محد يقرا التوبيك ويقوم بالواجب وعلى فكرة اللى انت بتعملوا بيترد فيك يعنى لو انت ضيقت واحده وقولت واجب قومى هتلاقى واحد يضايق حد فى عيلتك ويقولك واجب قومى.

هو لدرجادي كل حاجه بقي ليها حل 00طب وليه العيب ميبقاش منك00 انك مش ماشي قصادق يعني عمال تبحلق في خلق الله 0 وبدل متشوف مبرر لكل نوع بنت 0 تقدر تشوف مبرر لنفسك علي وجودك في الشوارع اصلا منغير شغله ولا مشغله حرام عليكوا

هههههههههههههههههههههههههههههههه طب ممكن اسالك سؤال انت لو شفت الواجب القومى حد بينفذة مع اختك مثلا هتعمل ايه؟ ربنا يساعدك وتتخلص من الواجب القومى دة