احلى اكلى الجزء الخامس

اليوم معانا اكلة انا شخصياً بحبها اوووى وهى
المكرونة البشاميل
ــــــــــــــــــــــ

اول شئ البشاميل ::

بتجيبى لكل كوب لبن معلقتين دقيق

بتجيبى اللبن وتحطى عليه الدقيق فى كوبايه وتدوبيه عدل

وبعدين ترفعيه على النار وتفضى تقلبى

غايه مايوصل معاكى للسمك اللى تحبيه وخلى بالك انه بيتحط فى الفرن تانى يعنى بتزيد السماكه بتاعته يعنى خليه

اقل درجه من السمك اللى عايزاه وتحطيى عليه معلقه زيت

وبعدين بتحطى توابلك ملح وفلفل وشويه بهارات خفيفه واكيد جنزبيل مطحون

بصى بقى بتقسمى البشاميل

لقسمين قسم للوش وقسم للقلب

القسم للقلب/ بتحطيه فى حله كبيره وتضيفى عليه لحمتك المفرومه المتعصجه ومعلقه صلصه عشان تفتح النفس بشكلها

وطريقه تعصيج اللحمه كالتالى :: بصله وتحمريها وتنزلى عليها اللحمه وبهارات والملح والفلفل وتزودى عليها جزره

مبشوره بتطلع روووووووووووووووووووعه فى الاكل وتزودى مايتك لغايه ماتستوى

نرجع بقى للبشاميل: بعد ما تضيفى البشاميل واللحمه هتضيفى عليهم المكرونه
وتقلبى كويس اوى

هاتيجى بقى فى البايركس اللى هتسوى فيه الاكل

تحطى فى الارضيه شويه بقسماط ماشى .... اه بقسماط متستغربوش ودا عشان البشاميل متلزقش فى الارضيه

وتحطى مكرونتك بالبشاميل

وتيجى بقى من فوق وتحطى بقيه البشاميل

بصى بقى ممكن تحطى موتزاريلا وممكن جبنه رومى بس انا بحبها كدا من غير اضافات ولكل واحده زوقها

بصى بقى كترى البشاميل بتاعك واسلقى المكرونه بتاعتك كويس عشان متحتاجش سوا لما تدخليها الفرن

كل اللى هتعمليه هتسيبيها فى الفرن من تحت 10 دقايق وبعدين تطلعيها فوق تاخد وش وبس

هتدخلى فيها السكينه بعد كدا هتلاقيها سايحه وطعمها خرااااااااااافى


اتمنى ان تنال اعجبكم لانى بصراحة الاكلى دى بحبها اوى
مع خالص شكرى وتقديرى
ابو العلا

انا عندي وصفه اسهل لطريقه عمل البشامل
تشتري كيس فاين فودز جاهز ومش مكلف خالص
هههههههههههههههههههههههههههه

لا لا لا دة طلع بجد لا إحنا كدة لازم ندوق بقى . . وبجد إنت كل مرة بتجرى ريئى على أكلة شكل
يارييت بقى تهتم بالحلو .. ونفسى فى الايس كريم لو تعرف لإنى نفسى أدوقه بيتى

جااااااااااامد ياأبو العلا . . لا بجد تستاهل النجمة




(الـــفـــنـــان)

ربنا يخليك يافنان بجد من غيرك مش كنت عارف اقول اية

تلميذك
ابوالعلا