انواع الولاد عالنت

زائر

انواع الولاد على النت

المرحلة الاولى

( الي يدوبك لسه متعلم يدخل نت)

طبعا العمر يتراوح من 22 الى ما فوق ... وتلاقيه اول ما يدخل هاي ممكن

نتعرف انا فلان ومن الحته الفلانيه وتحسي ان فيه حنفيه معلومات اتفتحت

واي حاجة تقوليهاله يقولك يعني ايه مش فاهم وبعد كل كلمة يقولك اصل

انا لسه جديد في النت

والنوعية دي تنقسم لقسمين :

1- يا اما متحمس وحط ف دماغه موضوع النت وعايز يتعلم

2- يا اما سمع من صحابه عن النت والبنات وجاي يجرب حظه

____________________________________________

المرحلة الثانية:

( الي بيقعد على النت بس مش كتير)

النوع ده كل كلامه انا مشغولياتي كتير ومبحبش النت والكلام ده وبعد ما

يكلم شوية يقولك ممكن نكمل كلام في التليفون انا اصلي مبدخلش النت

كتير ومليش خلق للكتابة والحاجات دي

والنوعيه دي تنقسم الى قسمين:

1- يا اما يبقى لحوح ويفضل يطلب نفس الطلب وصباح الملل

2- يا اما يبقى عنده عزة نفس وميلحش بس هيتعصب وهيقولك اعمليلي بلوك

______________________________________________

المرحله التالته :

( الي قاعد على النت ليل نهار)

ده بقى شرحه يطول وينقسم لعدة انواع

1- المقموص

ده بقى قاعد وحاطط ايده على زرار الزعل اي حاجة تقوليها تبقي بتقصديه

او بتقللي من شانه وبعد كام مرة كلام ممكن يقولك اديني نمرة تليفونك

ولما تعتذري هيقولك انا هحترم رغبتك وهيركبلك الوش الخشب ومن وقت

للتاني هتاخدي البلوك ف وشك فنصيحه من اولها كده اديله بلوك وديليت

2- ابو دم خفيف

ده شلل مركز ومتعرفيش مين الي خدعه وقاله ان دمه خفيف وكل كلامه قفشات

وضحك والمفروض انك تكوني مجامله وتضحكي بس منصحكيش تيجي على اعصابك

3- المودي

دي بقة شخصية بتتنوع كل يوم على حسب المود وهتحسي انك بتكلمي واحد

عنده انفصام ف الشخصية النهاردة رزين وعاقل وبكرة لاسع وبعد يومين رخم

وبعدها كيوت وفريندلي طبعا الحكايه مش ناقصة جنان كفايه الي الواحد

فيه

4- اللزقه

والنوع ده عايز حزم ف التعامل معاه لأن كل كلامه انتي فين ؟ بتتاخري

في الرد ليه؟ انتي بتكلمي حد ؟؟ ياعم وانت مالك بتتحشر

ليه ......ولو قلتيله ثواني هيقولك ليه رايحة فين؟ متتاخريش ... ايه

ده انتي لسه مجيتيش ؟؟؟

5- الناصح

صباح الصداع مع كل جمله هتقوليها هتاخدي نصيحة وفيه عرض خاص قولي

جملتين وخدي اربع نصايح العرض مستمر حتى نفاد الكمية ........ولو على

منتدى هتلاقيه بيقولك ليه حطيتي التوبيك ده وليه شيلتي

الصورة دي وحطيتي التانية انا انصحك انك تخليه يحصل اخواته الي فاتوا

يعني بلوك وديليت

6- الحبيب

انا فيا جاذبية وكل البنات بتعجب بيا ....... ايام ما كنت ف الكليه

كنت عامل ازمه والبنات بتتخانق عليا...... المصيبة بقى ان اي جمله

هتقوليها هيفهم ان انتي معجبه اصله مش بمزاجك هتحبيه يعني هتحبيه

7- حريقة بنات

ده بقى لو في منتدى او ميل جروب تلاقيه مركز على كل البنات ومبيعملش

اي حاجة تانية غير كده الكوميدي بقى لما يتلخبط ويعتقد ان الأسم ده

انثوي ويندمج وبعدين يطلع واحد صاحبه

8- الكداب

من اول الأسم والسن واي معلومة خدتيها كدب في كدب ومتعرفيش ليه ده بقى

انصحيه وخليه يغير اسمه على الماسنجر ويخليه مسيلمة الكداب

9- العبيط

ده هتلاقيه على طول حاطط صورته وذنب عليكي تتفرجي ويشيل الصورة دي يحط

التانية وكل شوية يفتح الكاميرا مع نفسه

10- بابا اوبح

ده ممكن يكون على النت من سنة 96 واتخرج واشتغل واتجوز وجاب عيال ولسه

قاعد يتعرف على بنات وكل ما يكلم واحدة يقنعها انه مش متجوز وبيدور

على عروسة وصباح السرحان ولو جربتي كل يوم تدخليله بايميل غير التاني

هتسمعي قصة حياته كل يوم مختلفة

والله عندك حق في كل اللي قلتيه وبرافووا مسبتيش الا نموذج واحد وهو ان يكون واحد بيقنع البنت المسكينه انه حبها منغير ميشوفها يعيني وطول النهار بيقنعها بانه لازم يشوفها ويطلب منها مكان يتقبلوا فيه لانهم مش هينفع يقضوها مكالمات تليفونيه بس ومكالمات علي الميل ودي بتكون
شغلته بالنهار0000000 اما لما يجي عليه الليل يفضل يسمعها في اغاني رومانسيه واغاني حب وغرام لانه عاوز يلين دمغها علشان لما يطلع عليها النهار يعيد كلامه تاني وهلما جره 000000وفي الاخر يتوافق وتتقفش00000 يامه تفوق علي اخر لحظه

زائر

alya كتب:: والله عندك حق في كل اللي قلتيه وبرافووا مسبتيش الا نموذج واحد وهو ان يكون واحد بيقنع البنت المسكينه انه حبها منغير ميشوفها يعيني وطول النهار بيقنعها بانه لازم يشوفها ويطلب منها مكان يتقبلوا فيه لانهم مش هينفع يقضوها مكالمات تليفونيه بس ومكالمات علي الميل ودي بتكون

شغلته بالنهار0000000 اما لما يجي عليه الليل يفضل يسمعها في اغاني رومانسيه واغاني حب وغرام لانه عاوز يلين دمغها علشان لما يطلع عليها النهار يعيد كلامه تاني وهلما جره 000000وفي الاخر يتوافق وتتقفش00000 يامه تفوق علي اخر لحظه

هههههههههههههههههههههههه
والله معاكى حق فعلا فى انواع كده

زائر

انتى بت مفيش زيك بجد اتى مشكلة اية الكلام الفظيع دة والله حقيقى اللى انتى بتكلمى عنة

زائر

rania كتب:: انتى بت مفيش زيك بجد اتى مشكلة اية الكلام الفظيع دة والله حقيقى اللى انتى بتكلمى عنة

ربنا يخليكى Embarassed

» افضل انواع البسكويت
» انواع الشباب في الحب
» المفاجاءة للفنان احلى اكلة الجزء السادس وهى نوع من انواع الحلويات اللى انا بحبها شخصياً وهذه الااكلة مهداه للفنان