وصفات طبيعية لفرد الشعر

وصفات لفرد الشعر
الوصفة دي طبيعية مية في المية وعن طريقها تتفادى الآثار الضارة لفرد الشعر، كمان هتقدري تعمليها في أي وقت سواء كان عندك حساسية أو حتى حامل لأن كلها عبارة عن مواد طبيعية مفيدة للشعر والجسم كمان.
المكونات:
زيت قرنفل
زيت زيتون
الطريقة:
اخلطي زيت الزيتون والقرنفل مع بعض في زجاجة بكميات متساوية ورجي الزجاجة كويس جدا وحطيها في الشمس لمدة 15 يوم وكل يوم رجي المكونات وبعد الـ15 يوم ما يمروا استعملي الزيت على شعرك.

وصفة إنما إيه
المكونات:
زبدة غير مملحة
زيت زيتون أخضر غامق
مايونيز بالليمون
زبادي خالي الدسم
عصير ليمونة
الطريقة:
اخلطي المكونات كلها مع بعض وحطيها في برطمان واقفليه كويس وحطيها في الثلاجة.
الاستعمال:
بص يا ستي لو شعرك متقصف قوي وخشن شوايتين يبقى تستعملي الوصفة دي مرتين في الأسبوع لأنها كمان بتنعم الشعر وتحافظ عليه من التقصف. أما لو شعرك عادي و إنتِ عاوزة تنعميه زيادة يبقى تستعملي الخلطة دي مرة في الأسبوع. وهتلاقي نتيجة هايلة.
إحنا طبعا عارفين إن الوصفات دي لأنها طبيعية ممكن تاخد وقت أطول و مابتدومش زى الوصفات الكيميائية لكن صدقيني إنتِ الكسبانة في الآخر. وإحنا برضه عاملين في حسابنا إنكم ممكن ماتقتنعوش بالكلام ده وتفضلوا برضه تستخدموا كريمات الفرد و عشان كده هنقول لكم على طريقة سهلة ومضمونة لمعالجة آثار الفرد لأن شعرك يحتاج لمرطبات بعد عملية الفرد.

وصفة البيض
المكونات:
صفار بيضة واحدة.
نصف ملعقة زيت زيتون.
كوب إلا ربع من الماء الفاتر.
الطريقة:
اضربي صفار البيضة، يعني شيلي البياض منها لغاية ما يبقى سميك ولونه يفتح، وبعدين ضيفي نص معلقة زيت الزيتون بالقطارة تدريجيا مع التقليب المستمر، وبعد كده ضيفي المية تدريجيا، واستمري في الخفق وبعدين حطي الخليط ده في زجاجة، وبعد غسل شعرك بالشامبو المناسب لنوع شعرك دلكي شعرك بالملطف ده وسيبيه على شعرك شوية دقايق قبل ما تشطفي شعرك.

بجد مش عارفين نقلك ايه غير انت بجد دكتور ممتاز وتسلم ايدك يا دكتور على التوبيك الممتاز ده بس ياريت المرة الجاية تقلنا وصفات للتخلص من القشرة اللى بيعانى منها كل الشباب فى وقتنا هذا مع تكبير الخط لو سمحت من فضلك لو مش هيضايق حضرتك يا فندم

[ندعوك للتسجيل في المنتدى أو التعريف بنفسك لمعاينة هذه الصورة]

زوزو

زائر

الله الله الله عليك يا ابو الدكترة هايل
استمر بقى على هذا المنوال

ابوالعلا
2010

الله علييييك يا احمد بجد جاااامد جدا

بس بقولك صحيح

لو محتاج اى معلومة على فكرة ممكن تسألنى .. او تسال المدير العام أولى

من الغريب .. او الاقربون اولى اسأل منعم .. ولما تحب تسأل سؤال ارفعه ف موضوع احسن يعنى

بدايه متميزة يا احمد .... اتمنا تكون عضو نشيط معانا ف المنتدى ..... صحيح محمد فكرنى .... لو حبيت تستفسر عن اى حاجة ف المنتدى ف قسم للاسئله اسال انت بس وهتلاقى اى حد هيجاوبك ..... وانا محمد موجودين 24 ساعه على الميل .... هتلاقينا ف خدمتك دايما .... اصل عندنا هنا ف المنتدى اهم حاجة راحة الاعضاء ....شرفتنا [ندعوك للتسجيل في المنتدى أو التعريف بنفسك لمعاينة هذه الصورة]

[b]شكرا يا جماعه بجد مش عارف اقولكم ايه شكرا يا زوزو شكرا يا محمد وشكرا زيزو وشكرا يا ابو العلا وربنا يوفقنى واقدر اقدم اكتر واكتر وانا اسف لو صدر منى اى غلطه شكرا

لا ياحمد مفيش اسف ولا حاجة ..... وارد ان اى حد يغلط .... بس المهم انه ميكرش الغلط ده تانى ..... اهلا وسهلا بيك معانا وانشاء الله تني فى المنتدى وانشاء الله تنبسط وسطنا ف المنتدى

» اخر قصات الشعر ل 2009 للشباب